OBRM-PDUKM nëpërmjet një njoftimi thotë se “Branko Trçkovski, pena e LSDM-së, shkruan atë që Zaev mendon dhe po ia dikton”.
“Branko Triçkovski po ndjehet i lirë të shpërndajë urrejtje, dhe të ofendojë vetëm për arsye se Zaev dhe prokurorët e tij po e mbrojnë”, shprehen nga OBRM-PDULM, njofton Telegrafi Maqedoni.
OBRM-PDUKM shtonë se po i dënon sulmet anti-semite nga LSDM ndaj ministres Rashela Mizrahi e cila ka prejardhje çifute.
“LSDM dhe Zaev janë në panik të madh për shkak se e dinë se vjen fundi i tyre. Për këtë shkak ata po kërcënojnë, frikësojnë dhe shpërndajnë gjuhë të urrejtjes. Në opinion është e qartë se LSDM dhe Zaev qëndrojnë pas gjuhës së urrejtjes ndaj gazetarëve dhe mediave që ata i financojnë”, shprehen nga OBRM-PDUKM.
Sipas tyre, Maqedonia është e ndërtuar në vlera anti-fashiste ndërsa Zaev dhe LSDM e shndërruan Maqedoninë në sistem që përkrah antisemitizëm dhe gjuhë të urrejtjes por edhe se mbron ata që mbjellin urrejtje ndaj atyre që mendojnë ndryshe.
“Nuk është hera e parë që Truçkovski të përdor gjuhë të urrejtjes, kurse Prokuroria Publike dhe Ljubomir Joveski të heshtin dhe të mos ndërmarrin asgjë”, shprehen nga OBRM-PDUKM duke thënë se kjo që ndodhu s’duhet të kalojë pa ndëshkim./Telegrafi/