Darko Kostovski nga OBRM-PDUMM nëpërmjet një konference për shtyp kërkon që në Kumanovë dhe Prilep të shpallet gjendja e krizës.
Sipas opozitës maqedonase gjendja në këto dy qytete del jashtë kontrollit dhe mos vendosja e masave në kohë ka bërë një gjendje të tillë, njofton Telegrafi Maqedoni.
“I infektuar është shtabi i krizës në Kumanovë, mjekë të infektuar, ndërsa Qeveria nuk po ndërmerr masa më efikase”, tha Kostovski dhe përsëriti qëndrimin e partisë së tij se është e domosdoshme shpallja e gjendjes së krizës në Kumanovë dhe Prilep.
Nga OBRM-PDUMM akuzojnë se LSDM ka lënë 140 të punësuar në rrugë dhe tani jep ndihma për t’u fotografuar me to.
“Ndihma humanitare që po e shpërndajnë s’është asgjë tjetër përveç se një ryshfet”, shprehet ai duke i bërë thirrje Komisionit Anti-korrupsion dhe Prokurorisë Publike që të hetojnë rastet me shpërndarjen e ndihmave./Telegrafi/
