Përpara Gjykatës Administrative në Shkup padia ka paraqitur partia opozitare OBRM-PDUKM lidhur me refuzimin e ankesave nga Komisioni Shtetëror Zgjedhor për vendvotimin në Novo Sellë. Zëdhënësi i OBRM-PDUKM-së, Naum Stoilkovski theksoi se ata po kërkojnë anulimin e votimit në vendvotimin numër 1789 në procedurën për zgjedhjen e kryetarit të komunës së Novo Sellës dhe se votimi duhet të përsëritet në afatin ligjor të përcaktuar me Kodin Zgjedhor.
Refuzimi i ankesave të OBRM-PDUKM-së i referohet procedurës për votim, tabelimin dhe përcaktimin e rezultateve në qendrën e votimit.
“Kishte shkelje të Kodit Zgjedhor në këtë vendvotim, por edhe rrjedha e lëvizjes së materialit zgjedhor ngre shumë dyshime publike”, tha Stoilkovski.
Ai tha se bordi zgjedhor nuk ishte në gjendje të hartojë procesverbalin menjëherë pas përfundimit të votimit duke futur në mënyrë korrekte të dhënat për fletët e votimit të përdorura dhe për personat e nënshkruar në Listën e votuesve në vendvotimin. Gjegjësisht, në pesë herë, pas pesë akuzave, u konstatua se në listën e zgjedhësve u nënshkruan gjithsej 411 zgjedhës, ndërsa në kutinë e votimit u gjetën 412 fletëvotime. Pra, pas disa herë numërime në kuti del një fletëvotim më shumë./Telegrafi/
