Partia maqedonase opozitare OBRM-PDUKM kërkon ndalimin e mësimit për të parandaluar coronavirusin.
Komisioni i Shëndetësisë nga kjo parti doli me disa kërkesa për Qeverinë e Maqedonisë për të parandaluar shpërndarjen e virusit, njofton Telegrafi Maqedoni.
“Pushim për fëmijët që shkojnë në çerdhe dhe shkollë. Evidentim i të gjithë personave që hynë në shtet nga zonat që kanë krizë për coronavirus”, shprehen nga OBRM-PDUKM.
Ata gjithashtu kërkojnë që të kufizohen kontrollet dhe ndërhyrje që nuk janë urgjente në mënyrë që shëndetësia të jetë e gatshme të përgjigjet situatës dhe të mbrohen pacientët dhe personat mjekësor dhe institucionet kompetente, Qendra për Menaxhim me Kriza, Inspektorati Shëndetësor, Komisioni për Sëmundje Infektuese t’i zbatojnë kompetenca e tyre dhe publikisht t’i paraqesin planet aksionale për veprim./Telegrafi/