Ndryshimet në Kodin Penal, që do të lejonin që disa nga ish-zyrtarët e OBRM-PDUKM-së t’i shmangeshin përgjegjësisë penale, janë të papranueshme për qeverinë. Ministri i Jashtëm, Nikolla Dimitrov sot në Prishtinë tha se “në momente të tilla, nuk duhet të mendojmë për partinë dhe karrierën tonë politike dhe një proces historik, siç është referendumi, të kushtëzohet duke shkelur parimin e përgjegjësisë”, përcjell Telegrafi Maqedoni,
Jo zyrtarisht, OBRM-PDUKM kërkon ndryshime në Kodin Penal në nenin 353 për zvogëlimin e dënimeve për “keqpërdorimin e pozitës zyrtare dhe kompetencave”.
Sipas ekspertëve partiakë të opozitës, ky nen i ligjit “përkufizon gjerësisht nocionin e një personi zyrtar dhe lejon që personat përgjegjës në partitë politike të konsiderohen si persona zyrtarë, megjithëse partitë politike nuk janë organe shtetërore”.
Ata gjithashtu konsiderojnë se nuk është specifikuar se sa “dëmtime të larta të pronës ofrohen për dënime më të larta”.
Ndryshime janë propozuar edhe në nenin 165-a, që i referohet “keqpërdorimit të fondeve për financimin e fushatave zgjedhore”, që gjithashtu parashikon konfiskimin e fondeve të siguruara në mënyrë të paligjshme. /Telegrafi/