Udhëheqësia e OBRM-PDUKM-së mbrëmë ka debatuar për referendumin, por nuk kanë sjellur vendim përfundimtar. Në seancën e Komitetit Ekzekutiv që ka zgjatur 4 orë, një pjesë e anëtarëve kanë qenë “pro” bojkotit të referendumit, ndërsa disa të tjerë “kundër”.
Anëtari i Komitetit Ekzekutiv për Nova TV, tha se nuk është marrë asnjë vendim dhe gjitha opsionet mbeten të hapura – bojkot i referendumit, thirrje që të votohet kundër marrëveshjes me Greqinë, ose partia të mos definojë qëndrim zyrtar partiak, por t’i lejojë që votuesit të vendosin vetë, përcjell Telegrafi Maqedoni.
“Në atmosferë kur pritet të rritet presioni nga gjitha palët, kryetari i partisë Hristijan Mickoski ka kërkuar nga bashkëpartiakët të përmbahen nga publikimi i mesazheve propaganduese në llogaritë e tyre në Facebook, pa dallim nëse është për qëndrimin “bojkotoj”, ose për opsion tjetër, derisa të merret qëndrim partiak”, tha anëtari i OBRM-PDUKM-së.
Udhëheqësia e partisë opozitare ka hapur edhe çështjen e mënyrës se si do ta ndjek referendumin, duke pasur parasysh faktin se Ligji nuk lejon që vëzhguesit partiak të monitorojnë procesin e votimit, por vetëm përfaqësues të organizatave joqeveritare.
Debati i brendshëm në OBRM-PDUKM rreth çështjes së referendumit pritet të vazhdojë edhe gjatë ditës së sotme./Telegrafi/