Partia opozitare maqedonase OBRM-PDUKM, e ka akuzuar sërish ministrin e Shëndetësisë Venko Filipçe, për keqmenaxhim të situatës me pandeminë COVID-19.
Nga kjo parti thonë se Filipçe e ka vendosur Maqedoninë në vendin e pestë nga 33 shtete evropiane sipas shkallës së vdekshmërisë nga coronavirusi në 100 mijë banorë.
“Filipçe çdo ditë varros anëtarë të shumë familjeve. Ai nuk i ka të gjitha resurset për të ndihmuar dhe gjithçka që bën dështon”, thonë nga OBRM-PDUKM.
Kjo parti kërkon dorëheqjen e ministrit të Shëndetësisë, si dhe përgjegjësi nga Qeveria për gjendjen me coronavirusin./Telegrafi/