Partia opozitare maqedonase OBRM-PDUKM nëpërmjet një njoftimi thonë se LSDM humbi mundësinë në luftimin kundër krimit dhe korrupsionit.
OBRM-PDUKM thotë se LSDM jo vetëm që nuk shfaqën vullnet, por edhe gjatë tre viteve të kaluara krimin dhe korrupsionin e institucionalizuan, njofton Telegrafi Maqedoni.
“Është krejtësisht hipokrite që LSDM po flet për shtet ligjor dhe sundim të ligjit, dhe Dragi Rashkovski ende është sekretar i Përgjithshëm i Qeverisë, Kurto Dudush ende është kryetar komune, Kiki dhe Friki janë ende të lirë”, thonë nga OBRM-PDUKM.
Nga kjo parti theksojnë se Propozim-ligji për Prokurori Publike përgatitet dhe i njëjti së shpejti do të dorëzohet në Kuvend.
Më herët LSDM bëri thirrje që opozita maqedonase të përkrahë Propozim-ligjin për prokurori publike./Telegrafi/