OBRM-PDUKM nëpërmjet një deklarate i dërgoi një mesazh qeverisë që të mos përdorë interesat shtetërore dhe kombëtare si mbrojtëse që mund t’i mbulojë grabitjen masive që po kryen aktualisht.
“Nuk mund të ndryshohet emri dhe Kushtetuta e shtetit vetë për të vjedhur disa miliona euro, siç po shikojmë këto ditë që po ndodhin. Njerëzit e kuptojnë se lakimi i shpinës është gjimnastikë e mëngjesit të Zoran Zaev që të jetë i gatshëm për t’i pranuar të gjitha linjat e kuqe greke në të ashtuquajturën marrëveshjen me Republikën Greke. Qytetarët e kuptojnë lojën dhe angazhimin e Zaev për shëmtimin dhe humbjen e veçorisë maqedonase me humbjen e historisë dhe identitetit, nëpërmjet deformimit të çdo institucioni shtetëror të quajtur si maqedonas”, thuhet në deklaratën e OBRM-PDUKM-ës.
Më tej shtojnë se ajo çka e ka tërhequr Maqedoninë tatëpjetës është kriminaliteti dhe rregullimi i tenderëve milionëshe në llogari të qytetarëve, me çka, siç thonë nga opozita, është e njohur si stil i qeverisë së LSDM-së. /Telegrafi/