Në Morelos të Meksikës, qytetarët mbetën të habitur kur panë në qiell një objekt të paidentifikuar fluturues që qëndron pa lëvizur.
Videoja që është bërë virale, shfaq objektin fluturues duke qëndruar në qiell derisa kalimtarët e rastit e panë derisa po mbushnin vetura në një pompë derivatesh, transmeton Telegrafi.
“Kjo po ndodhë në avenynë Teopanzolco. Nuk jam vetëm unë që po e shohë, ka shumë tjerë përreth meje”, dëgjohet duke thënë një dëshmitar.
Disa pretendojnë se bëhet fjalë për dron, e të tjerët janë të bindur se është fluturake e UFO-ve. Autoritetet meksikane deri më tani nuk janë deklaruar lidhur me këtë.
Por kjo nuk është hera e parë që objekte të tilla të paidentifikuara fluturuese, filmohen në pjesë të ndryshme të botës. /Telegrafi/
