Shërbimet e shpëtimit në Norvegji kanë thënë se mund të kenë identifikuar lokacionin e helikopterit rus, me tetë persona, që u rrëzua dje në detin Arktik, raporton Reuters.
“Kemi identifikuar derdhje të naftës dhe balona nga ajri në sipërfaqe të ujit dhe një anije ka identifikuar një objekt që mund të jetë helikopteri rus”, tha Tore Gongset, shefi qendrës së shpëtimit në Norvegji.
Kërkimet për të mbijetuarit e ekuipazhit prej tetë anëtarësh ende vazhdojnë, ndonëse autoritetet norvegjeze thonë se ka pak shanse për ndonjë të mbijetuar.
Rusia ka njoftuar dje pasdite, për zhdukjen e helikopterit, transmeton Evropa e Lirë.