Në ditën e parë të vitit shkollor për këtë vit, pra më 1 shtator, nxënësit maqedonas të gjimnazit ”Kiril Pejçinoviq” të Tetovës, do të mbajnë marsh protestues, transmeton Telegrafi Maqedoni.
Protestës së tyre do t’u bashkangjiten edhe prindërit dhe profesorët. Kërkesa e tyre do të jetë tejkalimi i problemit hapësinor, me të cilin përballet ky institucion arsimor, tash e një dekadë. Nxënësit paralajmërojnë bojkot të procesit mësimor, nëse nuk do të pranohen kërkesat e tyre.
Sipas tyre, që nga viti 2014 këta nxënës mbajnë mësim në kushte të këqia në objektin e Universitetit të Punëtorëve dhe në shkollën fillore ”Goce Dellçev”. Më herët, kanë mësuar në objektin e vjetër të shkollës medicinale të Tetovës, ku gjithashtu nuk ka patur kushte të mira për mësim./Telegrafi/