Të rinjët e Presheves po vazhdojnë të tregojnë se kanë vullnet të mirë për aktivitete kulturore. Këtë po e dëshmojnë me organizimin e akicititeteve të ndryshme.
Më 27 prill u mbajt nata e parë e edicionit të dytë të projektit “Art of Dance”, i cili në vete përmban vallëzime moderne, vallëzime tradicionale shqiptare, street dance, recitim, këndim, koreografi, balet, instrumentale, e shumë aktivitete të tjera artistike.
“Art of Dance” për herë të parë u mbajt në vitin 2014, dhe pas dy viteve po realizohet edicioni i dytë.
Rilind Shaqiri, organizator i projektit të sivjetëm, tha se ky grup është duke pretenduar që ta bëjë këtë projekt tradicional në Preshevë.
Nata e dytë e projektit “Art of Dance”, do të mbahet diten e premte më 6 maj, në Shtëpinë e Kulturës “Abdulla Krashnica”.
Meqë ky projekt ka edhe karakter humanitar, u bëhet thirrje qytetarëve që në numër sa më të madh ta ndjekin këtë të event. /Telegrafi/