Nuk e kishte ditur që udhëheqësi i partisë së tij, Visar Ymeri, bashkë me dy drejtuesit e partive tjera opozitare, Ramush Haradinaj e Fatmir Limaj, të premten ishin në një diskutim të gjatë në një lokal të Prishtinës.
Në të njëjtën ditë, aktivisti i lëvizjes “Vetëvendosje”, R. Hajrullahu, që është nxënës në shkollën e mesme teknike “Fan S. Noli”, po shpërndante në qytetin e Podujevës fletushka që ftonin qytetarët në protestën e së shtunës, shkruan sot Koha Ditore.
Nuk e dinte se më vonë, të tre udhëheqësit opozitarë, do të merrnin një vendim të kundërt me atë që ai paralajmëronte. Takimi i opozitës së bashkuar rezultoi me shtyrjen e protestës së paralajmëruar për 26 mars.
As ai nuk kishte arritur t’i shpërndante të gjitha fletushkat. Disa i kishin mbetur në çantë, me të cilat kishte shkuar në shkollë. Por, kjo i kushtoi nxënësit të klasës 11/8 të Shkollës së Mesme Teknike.