Martesa do të duhej të ishte dita më e lumtur e çiftit bashkëshortor dhe me dashuri të kujtohet çdo moment i ceremonisë, por kështu nuk ndodhi me çift.
Ata po vallëzonin në prezencë të mbi 300 dasmorëve të ftuar, kur befasisht kulmi i lokalit ku po zhvillohej dasma përfshihet nga zjarri, transmeton Telegrafi.
Zjarri fillimisht kishte kapluar kulmin e objektit, dhe pas disa sekondave u zgjerua në gjithë hapësirën ku po qëndronin dasmorët dhe nusja e dhëndri.
Ngjarja ka ndodhur në hotelin Hacienda në Zapopan të Meksikës. Në fillim të videos së publikuar më poshtë, çifti shihet duke vallëzuar ku rreth tyre ishin mbledhur dasmorët dhe po duartrokisnin.
Por, pasi që shpërtheu zjarri në lokal, ata filluan të vrapojnë për t’i shpëtuar më të keqes. Për fat të mirë askush nuk është lënduar, ndërsa sipas raportit të zjarrfikësve, besohet që mjetet piroteknike ishin shkaku që quan në djegien e objektit. /Telegrafi/
