Ky është momenti shokues kur një vajzë mundohet t’ia prish dasmën të dashurit që po martohej me një tjetër, duke u futur në kishë e veshur me vello.
Vajza e paidentifikuar kishte shkaktuar zemërim tek dasmorët në qytetin Benoni në verilindje të Afrikës së Jugut, ku u shfaq e veshur me vello duke tentuar t’ia prishë dasmën të dashurit që ishte pranë altarit me gruan që po martohej, transmeton Telegrafi.
Një video amatore shfaq dhëndrin duke u konfrontuar me “mysafirin” e paftuar, derisa nusja po qëndronte e habitur para altarit duke pritur të martohet.
Pamjet e këtij momenti janë shpërndarë në masë të madhe në rrjetet sociale, kurse vajza e veshur me vello është përshkruar “si e dashura” e dhëndrit. /Telegrafi/
