Pas nëntë orësh votimi, zyrtarët zgjedhorë kanë zbuluar se pjesëmarrja është 65 për qind, që është shumë më pak se zgjedhjet e fundit. Pesë vjet më parë ishte 69.42 për qind.
BBC shkruan se tashmë ishte krijuar një atmosferë se do të ketë numër të vogël të votuesve që do ta shfrytëzojnë të drejtën e tyre për të zgjedhur, kur pjesëmarrja deri në mesditë ishte 25,48 për qind, gjegjësisht më e ulëta që nga viti 2002.
Disa zona, duke përfshirë Korsikën dhe pjesë të Parisit, raportojnë pjesëmarrje shumë të ulët pak më të lartë se 50 për qind.
Por, pjesëmarrje të lartë ka në luginën e Loire dhe Dordogne, ku deri më tani kanë votuar mbi 70 për qind e qytetarëve.
Pjesëmarrja në zgjedhjet franceze është tradicionalisht e lartë: pjesëmarrja në raundin e parë në vitin 2017 ishte 77,77 për qind.
Një arsye për pjesëmarrjen më të ulët është se fushata filloi shumë vonë, pjesërisht për shkak të pandemisë COVID-19 dhe së fundmi edhe shkaku i agresionit rus në Ukrainë. /Telegrafi/