Ka arritur në 1,005 persona numri i atyre që kanë vdekur nga COVID-19 në Kosovë që nga shfaqja e parë e rasteve me këtë sëmundje.
Sipas Institutit Kombëtar të Shëndetit Publik të Kosovës, në 24-orët e fundit kanë vdekur 16 persona, shkruan Telegrafi.
Po ashtu, gjatë këtyre orëve janë identifikuar 626 raste të reja me COVID-19.
Kurse, janë shëruar 673 pacientë derisa numri i përgjithshëm i tyre deri më sot është gjithsej 24,427 raste, kurse numri i rasteve aktive është 13,625.
Numri total i rasteve pozitive është 39,057 raste nga 142,769 persona të dyshimtë në virusin SARS-CoV-2.
Kujtojmë se më 13 mars në Kosovë ishin shfaqur dy rastet e para me COVID-19, kurse personi i parë që ka vdekur nga kjo sëmundje ka qenë një 82-vjecar nga Dumnica e Podujevës, i cili ka ndërruar jetë më 22 mars. /Telegrafi/