Gripi stinor dhe virozat vazhdojnë të shqetësojnë të gjitha moshat, posaçërisht fëmijët. Në Institutin për Sëmundje të Mushkërive te Fëmijët “Kozle” ka shumë fëmijë të sëmurë, disa prej tyre prisnin për kontroll ndërsa disa të tjerë për t’u shtrirë në këtë spital.
Drejtor i institutit Kozle tha se brenda 24 orëve po kryhen 150 kontrolle të fëmijëve.
“Në hospitalizim deri nga fundi i javës së kaluar kishim diku 70 fëmijë, për momentin kemi 55 fëmijë të cilët kanë nevojë për hospitalizim. Ata fëmijë të cilët ne, apo mjekët tonë e shohin se ai mjekim mund të bëhet edhe në kurim shtëpiak me terapi shtëpiake, me inhalator, ata prindër të cilët kanë po edhe ata që nuk kanë për fëmijën e vet e blejnë nga një inhalator dhe pastaj vazhdojnë mjekimin në mënyrë shtëpiake prandaj e shohim që është një numër paksa I zvogëluar nga ajo që e kishim para një jave”, u shpreh Besnik Zeqiri, drejtor i ISHP “Kozle”.
Spitali i fëmijëve “Kozle” do të jetë në dispozicion të të gjithë personave në nevojë pavarësisht festave të fundvitit.