Miliarderi Donald Trump, në krye të primareve në kampin republikan për presidencialet amerikane, nuk do të procedohet për nxitje të dhunës, pas një tubimi ku një protestues me ngjyrë u godit nga një mbështetës i bardhë, njoftoi sot policia amerikane.
Një 78-vjeçar, John McGraw u arrestua nga policia disa ditë më parë me akuzën për ushtrim dhune pasi goditi në fytyrë Rakeem Jones, një djalë me ngjyrë, 26 vjeç, i cili u shoqërua jashtë takimit të Donald Trump në Fayetteville, në Karolinën e Veriut (juglindje), nga forcat e sigurisë.
Policia lokale kishte hapur një proces hetimor për të përcaktuar nëse qëndrimi i Trumpit ose i ekipit të tij të fushatës elektorale, i akuzuar për kritikat e tij për shtim të tensioneve pas konfrontimeve në takimet e ditëve të fundit, kishte ndikim në nxitjen e dhunës, transmeton kp.
Zyra e sherifit të kontesë së Cumberlandit, e ngarkuar për dosjen, vlerësoi kryesisht se faktet nuk ishin pjesë përbërëse e një krimi për nxitje të akteve të dhunës.