Telegrafi

Nuk do të besoni çfarë i ka ndodhur kësaj gruaje, që kishte konsumuar për katër vite 20 kanaqe Red Bull në ditë (Foto)

Mary Allwood kishte konsumuar për katër vite rresht pijen energjike “Red Bull”, në masën e barabartë me 17 çokollata “Mars” dhe 16 filxhanë të kafesë, shkruan Mirror.

Nga konsumimi i tepërt, ajo kishte dëmtuar mëlçinë sa që mjekët ishin të bindur se nëna 26-vjeçe ishte e varur nga alkooli. Ajo kishte shpenzuar në këtë pije energjike mbi 3.000 dollarë në vit, transmeton Telegrafi.

Gjendja e rëndë shëndetësore e në veçanti e mëlçisë e kishte detyruar atë të përfundoi në spital, kurse imazhet e rëntgenit kanë treguar se mëlçia i ishte zgjeruar dy herë më shumë se sa që duhet të jetë.

Mjekët ishin të bindur se ajo është e varur nga alkooli, deri në momentin që pranoi se është e varur nga pijet energjike.

“Kisha nevojë në ato momente për atë pije, dhe nuk më interesonte se sa e dëmshme mund të jetë për mua. Po të mos e konsumoja të paktën një, ndihesha disi e lodhur dhe e zemëruar, por thjesht kjo nuk më zgjidhte problemet”, ka deklaruar nëna nga Brixen i Devonit.

Nëna e vogëlushes 3-vjeçe, për herë të parë e kishte shijuar këtë pije energjike kur ishte vetëm 22-vjeçe. Së fundmi Alwood ka kryer testet ku edhe zbuloi se mëlçia e saj është duke iu rikthyer gjendjes normale. /Telegrafi/