Ligji kundër pirjes se duhanit nuk po respektohet. Përveç që s’po respektohet në shumë lokale, ai nuk po respektohet as nga autobusët lokal që qarkullojnë në komunën e Prishtinës.
Lexues të Telegrafit kanë dërguar këtë video ku shihet se si në një nga autobusët lokal të Prishtinës pihet duhan.
Ndryshe, Ligji i miratuar nga Kuvendi i Kosovës ndalon pirjen e duhanit rreptësisht nëpër zona të mbyllura.
“Ndalohet pirja e duhanit në: hapësirë publike; hapësirë të punës; mjetet e transportit publik; hapësirat e hapura të përcaktuara në paragrafin 3. të këtij neni”, thuhet ndër të tjera në ligj. /Telegrafi/
