Mbrëmë është luajtur ndeshja e vetme e finales së serisë së playoff të Konferencës Lindore.
Nënkampioni i NBA-së, Cleveland Cavaliers ka arritur të barazon numrin e fitoreve me Boston Celtics, ku tani secila skuadër ka nga dy fitore.
Kalorësit në takimin e katërt patën një paraqitje të shkëlqyeshme dhe arritën të triumfonin me rezultat 111-102 kundër keltëve.
Epërsinë e krijuar prej 13 pikëve në përfundim të periudhës së tretë, basketbollistët e Cavs-ave arritën ta mbronin edhe në periudhën e fundit të ndeshjes.
LeBron James ishte i pandalshëm dhe enigmë e pazgjidhur për Bostonin duke realizuar 44 pikë, pesë kërcime dhe tre asistime. Kyle Korver shënoi 14 pikë, Tristan Thompson dhe George Hill, shënuan secili nga 13 pikë.
Jaylen Brown ishte basketbollisti më i miri te Celtics me 25 pikë dhe Jayson Tatum realizoi 17 pikë, por që nuk ishin të mjaftueshme për të triumfuar në ballafaqimin e katërt.
Kujtojmë se skuadra që arrin katër fitore do të takohet me fituesin e serisë së Konferencës Perëndimore mes Golden State Warriors dhe Houston Rockets.
Ndryshe, takimi i pestë mes Clevelandit dhe Bostonit do të zhvillohet të enjten (24 maj). /Telegrafi/
