Diego Maradona e ka festuar golin e fitores të Marcos Rojo ndaj Nigerisë duke i ngritur gishtat e mesit.
Gjatë ndeshjes, legjenda argjentinase është parë herë energjik e herë i përgjumur, ndërkaq i ka festuar me plot energji të dy golat e Argjentinës.
Ndonëse Maradona e ka festuar edhe golin e parë të Lionel Messit, në minutën e 86-të, pas golit të Rojos, ai kishte vendosur t’i ngrinte lart dy gishtat e mesit.
https://twitter.com/FollowbackCule/status/1011697653409673216
Mbetet ende e paqartë se kujt ia kishte drejtuar “përshëndetjen”.
Përndryshe, me fitoren e të martës, Argjentina kualifikohet në 1/8 e finales, ku do të luajë kundër Francës.
Në ndeshjen tjetër të Grupit D, Kroacia e kishte mposhtur Islandën duke ua mundësuar Albicelestëve kualifikimin.
Skuadra ballkanike në të tetën e finales do të përballet me Danimarkën. /Telegrafi/
