Tymi nuk ka të ndalur në deponinë e Strugë, po vazhdon të ndotë ajrin dhe vazhdon të shqetësojë qytetarët e Strugës për situatën e komplikuar dhe krijimin e asaj që qytetarët e Strugës që protestojnë për të pestën herë me maska mbrojtëse e quajtën ‘katastrofë ekologjike’, përcjell Telegrafi Maqedoni.
‘Fatkeqësisht sot kemi përfunduar në deponinë e Strugës. Është një iniciativë e organizatës qytetare ‘Struganët për Strugën’. Kemi ardhur këtu ta shohim se çfarë po ndodh dhe se qeveria a do të merr iniciativë për të bërë diçka për këtë qytet’.
‘Kjo është një katastrofë ekologjike, nuk kam fjalë, kjo është tmerr. Tokë e ndotur cila do që është katastrofë për tokën pjellore’.
‘Shpresoj se qeveria e re në formën më urgjente të ndërmerr hapa dhe ti plotësoj premtimet. Na mbytën për çdo ditë. Ja këtu është qyteti, këtu ka fshatra dhe ky tym kaq i rënd që gjithsesi ekspertët vlerësojnë se është kancerogjen duhet urgjentisht të ndërpritet’.
‘Pika e tretë është të pastrohet deponia. Pika e katërt është që të hapet një deponi e re moderne ku do të riciklohen mbeturinat’, thanë nga organizata qytetare ‘Struganët për Strugën’.
Për kontrollimin e territorit të deponisë është angazhuar kompani për siguri fizik, që do të bëjë mbikëqyrje 24 orëshe në deponi për të parandaluar hyrjen e personave të paautorizuar dhe shmangjen e zjarreve të sërishme në deponi, deri në fillimin e procesit të bartjes së mbeturinave nga deponia./Telegrafi/