Reçeli me fruta të përziera mund të jetë një ëmbëlsirë e shkëlqyeshme
Shumë thonë se reçeli me fruta të përziera është më i shijshmi. Tre lloje kumbullash, tre lloje pjeshkash dhe dardhash janë përbërësit kryesorë. Pjesa tjetër e frutave është opsionale ose thjesht mund të rrisni sasinë e frutave të lartpërmendur.
Gjithashtu nuk është e nevojshme të përdoren 3 varietete të të njëjtës frutë. Për reçelin e frutave të përzier mund të përdorni çdo frutë që dëshironi. Ne vetëm rekomandojmë kombinime të tilla – disa lloje të të njëjtës frutë.
Rregulloni sasinë e sheqerit sipas shijes. Ju vetë e dini që sheqeri ka efektin e një konservuesi. Një sasi më e madhe sheqeri do ta ruajë më mirë reçelin nëse nuk keni kohë ta zieni më gjatë, transmeton Telegrafi.
Përbërësit:
– 1 kg kumbulla të pastruara,
– 1 kg pjeshkë të pastruara,
– 500 gr dardha të pastruara,
– 500 g fruta sipas shijes (mollë, kajsi, rrush, boronica, mjedra, dredhëza…),
– 600 gr sheqer.
Përgatitja:
Frutat pritni në copa sipas dëshirës. Hidhni sheqer dhe përzieni.
Frutat dhe sheqeri mund të qëndrojnë për një kohë, por nuk është e obligueshme.
Reçelin me fruta të përziera mund ta zieni menjëherë. Ju sugjerojmë ta zini në temperaturë të ulët.
Reçeli është gati (si edhe të gjithë të tjerët) kur garuzhda lë gjurmë të dukshme në fund të tenxheres.
Kohëzgjatja e zierjes së reçelit me fruta të përziera varet nga shumë faktorë (sa janë të lëngshme frutat, madhësia e tenxheres, deri te lloji i frutave.
Reçelin vendoseni në kavanoza të sterilizuar dhe mbyllini me kapak metali. /Telegrafi/