Disa pamje të publikuara nga mediat e huaja thuhet se tregojnë se si krokodilët, jaguarët dhe breshkat e detit po “marrin kontrollin” e dy vendpushimeve meksikane pasi aktivitetet turistike janë pezulluar dhe banorët janë mbyllur brenda shtëpive, si pasojë e COVID-19.
Siç bëhet e ditur, përcjell Telegrafi, kafshët u filmuan në vendpushimet bregdetare të Cancun dhe Riviera Maya në shtetin jug-lindor meksikan Quintana Roo.
Në një video, një krokodil është parë duke notuar përgjatë një kanali jashtë ballkoneve të njerëzve.
Ndërkohë, një tjetër video tregon një jaguar duke ecur në një rrugë të qytetit natën.
Sipas mediave lokale, jaguar u vu re edhe brenda kompleksit të Grand Sirenis Riviera Maya Resort & Spa në Tulum.
Veç këtyre, mungesa e turistëve dhe banorëve në hapësirat publike krijoi mundësinë që një breshkë deti të hedh vezët e saj në plazh përpara një hoteli luksoz në Cancun.
Sekretari rajonal i mjedisit Alfredo Arellano u tha mediave lokale: “Mesatarisht, ne shohim vetëm një breshkë deti në vit dhe sezoni i foleve fillon në maj, ishte diçka e pazakontë”. /Telegrafi/