Trajneri i njohur i disiplinës ‘CrossFit’ në Kosovë, Egzon Shkololli, është bërë një emër mjaft i ndjekur në rrjetet sociale.
Në Ditën e Shën Valentinit, ai vendosi që të ironizojë me këtë festë, duke publikuar një fotografi në rrjetin social Facebook, ku shfaqet me atë që ai e quan “dashura e tij”.
Bëhet fjalë për një fotografi, ku ai shfaqet teksa bën gëzuar me një nga peshat e fitnesit me të cilën ai ushtron.
“Këshilla ime është që të gjithë të fillojnë ta praktikojnë këtë sport, sepse edhe në të gjitha vendete botës ka filluar të përhapet me ritëm të shpejt, dhe është një sport atraktiv ku çdo ditë të pret një sfidë e re. Pra, thënë shkurt, ky nuk është një sport pasiv”, ka thënë Egzon Shkololli.
‘CrossFit’ është disiplinë e fitnesit me intensitet të lartë që i inkorporon elementet e sporteve të ndryshme dhe llojet e ndryshme të ushtrimeve fizike.
Egzon Shkololli e praktikon këtë disiplinë tash e sa vite në qendrën e tij të fitnesit në Pejë. /Telegrafi/