Nuk ka më rrezik nga cunami në Zelandën e Re, publikohen pamjet e dallgëve që kishin frikësuar banorët

Agjencia për situata emergjente në Zelandën e Re, ka tërhequr paralajmërimin për një cunami të mundshëm pas një serie të tërmeteve të fuqishme që goditën këtë vend – ku qytetarët u njoftuan se mund të rikthehen në shtëpitë e tyre.

Thuhet se nuk ekziston kurrfarë rreziku nëpër plazhe, por 24 orët e ardhshme do të ketë rryma të fuqishme, e banorëve janë këshilluar që të jenë më të kujdesshëm, transmeton Telegrafi.

Kujtojmë që evakuimi i banorëve që jetojnë afër plazheve në Zelandën e Re ishte urdhëruar mbrëmë, pasi që banorët kishin vërejtur dallgët e larta të ngjashme me ato të një cunami që shkaktohet pas tërmeteve.

Një tërmet me fuqi shkatërruese prej 8.1 ballë të Rihterit ka goditur vendin, duke nxitur kështu autoritetet të fillojnë evakuimin e banorëve në zonat e rrezikuara. /Telegrafi/