Para dy muajve solli këngën “Të kam thënë” që i solli suksese të mëdha.
Duket se do të jetë një verë e nxehtë për këngëtarin Denik Prizreni, i cili gjatë javës së ardhshme do të vjen me këngën e re.
Prizrenasi ka treguar për Telegrafin se tashmë kanë përfunduar xhirimet e videos dhe se është i kënaqur me realizimin.
“Kënga do të jetë ritmike dhe e përshtatshme për sezonën verore. Kënga flet për flirtet mes vajzave dhe meshkujve”, tha këngëtari.
Ai më tutje zbuloi se “krijimtaria e re do të titullohet ‘Puth, puth’ dhe se jam i kënaqur me të gjitha gjërat rreth këngës”.
Kujtojmë se këngëtari është edhe bariton i Filarmonisë së Kosovës, ku ka prezantuar Kosovën në shumë koncerte botërore.
Ndryshe, kjo nuk do të jetë edhe kënga e fundit e Denikut pasi që ka paralajmëruar edhe disa të tjera. /Telegrafi/
