Ka nisur kampionati amerikan i futbollit, ku këtë sezon numri i lojtarëve me emër është shtuar edhe më shumë se sezonet e shkuara.
Në MLS ka shkuar edhe Shkëlzen Gashi, i cili sot ka debutuar me Colorado Rapids, duke qenë në fushë 67 minuta në humbjen 1-0 që skuadra e tij pësoi në fushën e San Jose.
Goli vendimtar u shënua në minutën e parë të pjesës së dytë, në një sfidë aspak të bukur, mes dy skuadrash që nuk kanë ambicie të mëdha as këtë sezon, transmeton Sportal.al
Gashi nuk pati ndonjë mundësi të mirë shënimi dhe është ende larg formës optimale fizike, ndërkohë që edhe skuadra e tij ka nevojë për kohë, sepse ka bërë shumë ndryshime në prag të sezonit të ri.
Si lojtari më i paguar i klubit, prej Gashit pritet shumë, por është e qartë që me këtë skuadër do të vuajë shumë.
FT: SJ 1-0 COL. #Rapids96 drop the season opener to San Jose. https://t.co/ByZMdMgL9j
— Colorado Rapids (@ColoradoRapids) March 6, 2016