Nuk ka fitues pas 90 minutave të luajtura në duelin Angli-Zvicër (1-1) që po zhvillohet në kuadër të fazës çerekfinale të Euro 2024 dhe tashmë do të duhen vazhdimet ose eventualisht penalltitë për t’u bërë i ditur fituesi.
Ndeshja nisi me Anglinë që pati një dominim të lehtë në posedimin e topit, por që nuk arriti ta shfrytëzojë për të krijuar ndonjë rast të rrezikshëm.
Në minutën e 17-të Harry Kane u rrëzua brenda zonës, por gjyqtari italian bëri me shenjë që loja të vazhdojë.
Herë pas here të dy ekipet kishin disa dalje të mira në kundërsulm por që nuk ia dolën të rrezikojnë seriozisht portën e njëra-tjetrës.
Zvicra në këtë pjesë të parë shfaqi një disiplinë taktike duke mos lejuar kundërshtarët që të kenë dominim absolut të lojës.
Pjesa e dytë ishte më e pasur në aspektin e rasteve të shënimit, ku të dyja ekipet arritën që të gjejnë rrugën e rrjetës.
Po zhvillohej minuta e 74-të ku pas një pasimi të mirë në zonë, Embolo u gjend mjaft mirë për ta çuar topin në rrjetë për rezultatin 1-0.
🚨🚨| GOAL: EMBOLO GIVES SWITZERLAND THE LEAD!!!
England 0-1 Switzerland pic.twitter.com/Q5jf6Zc4dG
— CentreGoals. (@centregoals) July 6, 2024
I menjëhershëm ishte reagimi i Anglisë që arritën të barazojnë rezultatin në 1-1 vetëm disa minuta më vonë me anë të Bukayo Sakas (79’).
That’s why he’s a starboy 🏴🌟 GREAT FINISH from Bukayo Saka #Euro2024 pic.twitter.com/kskHoHsSkQ
— Roberto Rojas (@RobertoRojas97) July 6, 2024
Deri në fishkëllimën e fundit të gjyqtarit nuk pati më raste të mira shënimi dhe tani do të luhen dy pjesë nga 15 minuta ku në rast se nuk ka fitues do të ekzekutohen penalltitë./Telegrafi/