Barcelona ka marrë në udhëtim te rivali lokal Espanyol në kuadër të javës së 24-të në La Liga, pasi ndeshja përfundoi 2-2.
Ndeshja filloi mjaft mirë për skuadrën katalunase, pasi vetëm dy minuta nga starti, Pedri shënoi për 1-0 nga një asistim i Jordi Albas.
Por, vendasit ia dolën t’i barazonin shifrat në 1-1 me anë të Sergi Darder, e që u asistua prej Rodrigo de Tomas.
⏰ HALFTIME
1️⃣ Espanyol (Darder, 40')
1️⃣ BARÇA (@Pedri, 2')#EspanyolBarça pic.twitter.com/dvkhWdJ85p— FC Barcelona (@FCBarcelona) February 13, 2022
45 minutat e dytë ishin një ferr për skuadrën që drejtohet nga Xavi, pasi pranuan edhe golin e dytë.
Në minutën e 64-të, lojtari që asistoi te goli i parë, De Tomas, i përmbysi shifrat në 2-1.
BOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOM
PAPÁAAAAAAAAAAA PAPÁAAAAAAAAAAAAAAAAAAAAAAPADRE DON RAÚL DE TOMÁS pic.twitter.com/1gx3Q1c5Xd
— RCD Espanyol de Barcelona (@RCDEspanyol) February 13, 2022
Në minutën e 90+3, gjyqtari i takimit ndëshkoi Gerard Piquen dhe Nico Melamedin me kartonë të kuq, duke e bërë fundin edhe më dramatik
Barcelona tentoi deri në fund që të merrte së paku një pikë dhe këtë ia doli me anë të Luuk de Jong që shënoi në minutën e 90+7.
Pas javës së 24-të, Barcelona gjendet në vendin e katërt me 39 pikë, gjersa në xhiron e 25-të do të takohet me Valencian. /Telegrafi/