Telegrafi

Nuk ka fitues në derbi, Evertoni dhe Liverpooli ndahen në paqe

Romak Zeqiri

Nuk ka fitues në derbin e Merseyside mes Evertonit dhe Liverpoolit pasi dy skuadrat luajtën baras 2-2.

Kampioni në fuqi i Anglisë e nisi për mrekulli ndeshjen, kur në minutën e tretë gjetën golin e epërsisë me Sadio Manen i cili u asistua nga Andy Robertson.

Por vendasit barazuan shpejtë rezultatin dhe në minutën e 19-të realizoi mbrojtësi Keane me kokë pas asistimit nga këndi i James Rodriguez.

Edhe pas dy golave dyja skuadrat patën raste tjera shënimi, por që pjesa e parë përfundoi me rezultat të barabartë 1-1.

Në pjesën e dytë Liverpooli pati iniciativën më të madhe në fushë.

Në minutën e 72-të, The Reds kaluan përsëri në epërsi, pas një goli të bukur të realizuar nga Mohamed Salah.

Pas golit të mysafirëve vendasit sulmuan më shumë, teksa ia arritën qëllimit për ta barazuar rezultatin në minutën e 81-të.

Lucas Digne asistoi për mrekulli tek sulmuesi më në formë i vendasve Dominic Calvert-Lewin barazoi për 2-2.

The Reds shënuan gol në minutën e 93-të me kapitenin Jordan Henderson, por që u anulua për pozitë jashtë lojes.

Gjithsesi dy skuadrat në fund u kënaqen me nga një pikë pas një ndeshje spektakolare.

Everton vazhdon të mbetet lider në tabelë me 13 pikë të tubuara, ndërsa Liverpooli është i dyti me tri pikë më pak.

Në ndeshjen e ardhshme Everton luan në udhëtim te Southampton, teksa Liverpooli pret në Anfield, Sheffield United. /Telegrafi/