Maqedonia e Veriut nuk ka arritur të bëjë një befasi tjetër pas asaj ndaj Italisë, pasi është mposhtur nga Portugalia (2-0) në Estadio do Dragao në finalen e barazhit për kualifikim në Kampionatin Botëror.
Me nga një gol të shënuar në secilën pjesë, portugezët siguruan vizën për të qenë pjesëmarrës në turneun e madh të Katarit në fund të këtij viti.
Bruno Fernandes vodhi një top nga lojtarët kundërshtar dhe pasoi te Cristiano Ronaldo, ky i fundit ia ktheu në formë asistimi duke e nxjerrë në rast të mirë dhe mesfushori ishte i saktë në goditjen e tij (32’).
Edhe në fraksionin e dytë të lojës ishte pikërisht Bruno Fernandes që priti një harkim nga Diogo Jota dhe goditi me të parën për ta ndalur topin vetëm në rrjetë (65’).
Në minutat e mbetura, skuadra ballkanase nuk ia doli të bënte diçka për t’i ndryshuar gjërat duke mos arritur kualifikimin historik në një Kampionat Botëror.
Ndërkohë, superylli i Portugalisë, Cristiano Ronaldo, do të luajë për herë të pestë në një Kampionat Botëror. /Telegrafi/
The assist. The finish. 🔥@Cristiano x @B_Fernandes8
A goal made in Manchester. 🥶#Ronaldo #BRUNO #Portugalpic.twitter.com/nhpNaxGKEf— H. (@Iconic_Cr7) March 29, 2022
Bruno Fernandes marca o seu segundo gol contra a Macedônia. https://t.co/i6yIygK4EN
— Stipa (@unitedbrazilian) March 29, 2022