Policia e Little Rock në Arkansas të SHBA-ve, ka publikuar videon ku shihet se si një polic shkrep 15 plumba në drejtim të veturës, ku si pasojë shoferi mbetet i vdekur.
Incidenti ka ndodhur më 22 shkurt, e deri të tragjedia ka ardhur kur polici Charles Starks ndali një veturë që ishte vjedhur e sipas informacioneve të policisë i dyshuari Bradley Blackshir, nuk i është bindur urdhrave të policisë dhe kështu kishte vazhduar të lëvizë përpara me veturë, transmeton Telegrafi.
Në videon e postuar fillimisht nuk shihet vetura, por dëgjohet Starks duke urdhëruar Blackshir të del nga vetura. Megjithatë, kur ai vazhdoi të lëviz përpara, polici filloi të shtie në drejtim të tij duke shkrepur 15 plumba.
Raportohet se polici Starks është shkarkuar pasi që Blackshire nuk kishte pasur kurrfarë arme. Ai ishte bërë pjesë e policisë së Little Rock në vitin 2013, dhe prej asaj kohe ishte suspenduar disa herë nën dyshimet se kishte tejkaluar kompetencat. /Telegrafi/
