Dukeshin si skena të filmave aksion të Hollywood-it, por ishte një ngjarje e vërtetë që kishte ndodhur në Beksar Counry të Teksasit, SHBA.
Këtë e tregojnë më së miri pamjet e filmuara nga helikopteri i policisë, ku gjatë një kontrolli rutinor eskaloi situata mes forcave të rendit dhe një personi ku pati shkëmbim zjarri për disa minuta, transmeton Telegrafi.
Sipas mediave amerikane, policia kishin ndalur një veturë me ngjyrë të zezë të tipit Chrysler 300 të cilën po e ngiste Ernest Manuel Montelongo, i cili ishte futur në korsin e gabuar dhe po voziste në kahje të kundërt.
Dhe në vend se t’ua tregon dokumentet e identifikimit dhe të veturës, Montelongo u mundua t’ju ikë policisë. Por ky veprim i kushtoi shtrenjtë, kur iu vunë pas 33-vjeçarit që shtiu në drejtim të policisë të cilët iu kundërpërgjigjen me të njëjtën monedhë.
Pas dhjetëra plumbave të shkrepur, policia arriti ta plagosë sulmuesin që u rrëzua në tokë, kurse në shkëmbim zjarri mbeti i plagosur edhe një polic. Megjithatë që të dy janë dërguar me urgjencë në spital, por Montelongo nuk i mbijetoi plagëve të marra. /Telegrafi/
