Megjithse më herët agjencia AIM raportoi se në vazhdim të seancës konstituive të Këshillit komunal të komunës së Tetovës u zgjodh kryetari i këshillit, Zyra për marrëdhënie me publikun konfirmon të kundërtën.
”Sektori përkatës i administratës së komunës së Tetovës konstatoi se zgjedhja e Kryetarit të Këshillit nuk është në pajtueshmëri me nenin 47 paragrafi 2 nga Ligji për Vetëqeverisje Lokale dhe nenit 19 paragrafi 1 nga Rregullorja për punë e Këshillit të komunës së Tetovës.
Prandaj në bazë të këtij konstatimi juridik e informojmë publikun se Kryetari i Këshillit Komunal në komunën e Tetovë nuk është zgjedhur”, thonë nga Zyra për marrëdhënie me publikun./Telegrafi/