Vendimi i Lionel Messit për t’u thirrur në një klauzolë në marrëveshjen e tij me Paris Saint-Germainin është konsideruar se nuk është “logjike” mes rikuperimit nga një dëmtim në gju.
Kjo është – sipas drejtorit sportiv, Leonardo – i cili ka këmbëngulur se klubi nuk është dakord me zgjedhjen e argjentinasit për të shkuar te ekipi kombëtar.
Messi mbërriti në kryeqytetin francez në verë si një transferim i lirë, pasi rregulloret financiare të La Ligës prishën ofertën e re të kontratës së Barcelonës për të.
Megjithatë, superylli 34 vjeçar thuhet se ka përfshirë një klauzolë në kontratën e tij me PSG-në që i lejon atij t’u japë përparësi ndeshjeve për vendlindjen e tij.
Sipas raportimeve, argjentinasi dëshiron të luajë në ndeshjet e Argjentinës përpara Kupës së Botës, ‘Katari 2022’, pa shkaktuar probleme mes klubit dhe vendit.
Gjashtë herë fituesi i Topit të Artë humbi barazimin 2-2 të PSG-së me RB Leipzig në Ligën e Kampionëve dhe fitoren 3-2 ndaj Bordeaux në Ligue 1 për shkak të lëndimit të gjurit.
Dhe Leonardo nuk është i emocionuar nga ideja që Messi dhe Leandro Paredes të nisen për ndeshjet ndërkombëtare.
“Ne nuk pranojmë të lëmë të shkojë me kombëtaren një lojtar i cili, për ne, nuk është në gjendje fizike ose që është në fazën e rehabilitimit”, deklaroi ai për Le Parisien.
“Nuk është logjike, dhe këto lloj situatash meritojnë një marrëveshje të vërtetë me FIFA-n”.
Messi i dha fund pritjes së tij të gjatë për një trofe me Argjentinën në verë, pasi La Albiceleste mposhtën Brazilin 1-0 në finalen e Kupës së Amerikës.
Legjenda e Barcelonës besohet të ketë bërë një udhëtim 13 orësh në vendlindjen e tij të dielën në mbrëmje.
Bashkëlojtari i Messit në Argjentinë, Paredes ka qenë jashtë fushës për PSG që nga tetori për shkak të një dëmtimi në këmbë.
Ekipi mjekësor i Argjentinës pritet të vlerësojë Messin dhe Paredes përpara ndeshjeve kualifikuese të La Albiceleste për Kupën e Botës kundër Uruguait dhe Brazilit.
Duke folur përpara fitores 3-2 të PSG-së ndaj Bordeaux të shtunën, Mauricio Pochettino tha se shpresonte që Messi të mund të luante për Argjentinën dhe më pas të kthehej në skuadër. /Telegrafi/