Nuk është kapiten i skuadrës, por ndoshta një lider i lindur: Phillips ishte i vetmi që vrapoi te Saka që ta ngushëllonte për penalltinë e humbur

Kalvin Phillips vrapoi te Bukayo Saka menjëherë pasi ky i fundit humbi penalltinë në finalen e Euro 2020 në mes të Italisë dhe Anglisë.

Azzurët mposhtë Tre Luanët përmes penalltive në Kampionatin Evropian, me anëtarin e Arsenalit që mori përgjegjësinë ta gjuante atë që doli të ishte e fundit.

Saka bëri një goditje të bukur, mirëpo Gianluigi Donnarumma arriti ta lexonte anën, duke bërë një pritje fantastike.

Lexo po ashtu Të gjithë ishin të hutuar se përse Donnarumma nuk festoi pas penalltive – italiani zbulon se çfarë kishte ndodhur

Kjo sinjalizoi se Italia ishte kampioni i ri i Evropës dhe lojtarët shpërthyen në festë, gjersa talenti i ri ishte i tronditur nga huqja e tij.

Nga gjendja emocionale, Phillips vrapoi në drejtim të Sakas, për t’i bërë me dije se një rast të tillë mund ta kishte humbur kushdo, duke e ngushëlluar gjatë gjithë kohës.

Natyrisht se veprimi i tij bëri që të përshëndetej nga të gjithë, pasi edhe pse nuk ishte kapiten i skuadrës, ai e ndjeu si përgjegjësi që t’i qëndronte afër lojtarit të ri. /Telegrafi/