Një shofer është filmuar duke tërhequr zvarrë me veturë qenin që e kishte lidhur në pjesën e pasme.
Shoferi pretendon se nuk e kishte vërejtur se babai i tij e kishte lidhur qenin e familjes në veturë, para se të nisej për rrugë, transmeton Telegrafi.
Qeni i familjes i quajtur “Dudu” është gjendur me lëndime të rënda trupore në shpinë dhe qafë, por pasi u dërgua me urgjencë të veterineri i ka shpëtuar më të keqes.
Pamjet janë filmuar nga një kalimtar rasti në Jiaozuo në provincën kineze Henan, ku shfaqet një veturë duke tërhequr zvarrë qenin nëpër rrugë.
Sipas mediave kineze, shoferi i paemëruar është ndaluar nga autori i videos, i cili e informoi se çfarë po ndodhte në pjesën e pasme të veturës që po e ngiste. /Telegrafi/
