Ka ndryshime në ditën e tretë të grumbullimit tek Përfaqësuesja e Kosovës.
Trajneri Albert Bunjaku ka vendosur ta ftojë me vonesë në skuadër mbrojtësin Fanol Perdedaj.
Edhe pse u mendua se do të qëndroj jashtë listës së lojtarëve për ndeshjen ndaj Turqisë, Telegrafi merr vesh se Perdedaj ka marrë ftesë.
Mbrojtësi i djathtë iu është bashkuar Kosovës në grumbullim dhe do të stërvitet sot me pjesën tjetër të skuadrës, shkruan Telegrafi.
Anëtari i Munich 1860, nuk ishte ftuar fillimisht nga Bunjaku që kishte deklaruar se ai nuk ka pasur minuta sa duhet.
25-vjeçari u ftua pasi te Kosova me lëndime janë Avni Pepa dhe Valon Berisha, ndërsa ardhjen e ka anuluar për shkak të lëndimit edhe Benjamin Kololli, Leart Paqarada e Elbasan Rashani.
Kujtojmë që Perdedaj është ndër lojtarët më të aktivizuar tek Përfaqësuesja e Kosovës. /Telegrafi/