Një shërbyese ushqimi fitoi 1.7 milionë funte në Lotarinë Kombëtare në tetor 2003, ende jeton në shtëpinë e saj të vjetër të familjes të strehimit publik dhe vazhdon të punojë në një shkollë pavarësisht nga pasuria e saj.
Sipas medieve të huaja, përcjell Telegrafi, Trish Emson, 51-vjeçare dhe partneri i saj Graham Norton, 51-vjeçar, vazhdojnë të punojnë pranë shtëpisë së tyre në Rotherham, South Yorkshire të Anglisë.
Në vend që të shpenzojë para për makina të reja dhe shtëpi të mëdha, Emson ka refuzuar të lejojë që fitimi i këtyre parave të ndryshojë jetën e saj.
Edhe çeku për 1.7 milionë funte në tetor 2003 nuk ishte ‘dhurata’ më e madhe e saj. Dy javë pasi fitoi loton ajo mbeti shtatzënë, duke lindur djalin e tyre Benjamin i cili tani është 17-vjeçar.
“Të qenit e pasur nuk të bën të shtresës së lartë apo një person më të mirë. Nuk më pëlqen të tregohem ose të mburrem me para”, thotë ajo.
“Nëse do të më shihni nuk do të mendonit se jam milionere, por nëse më duhet të vishem, ndihem false, preferoj xhinset e mia”, ka shtuar Trish. /Telegrafi/