Real Madridi ka arritur një tjetër fitore në xhiron e 22-të të La Ligas, duke rikthyer rezultatin ndaj Las Palmas (2-1).
Javier Munoz e kaloi në epërsi Las Palmasin, por Reali u ktheu me golat e Vinicius Junior dhe Aurelien Tchouameni.
Luka Modric e kaloi të gjithë ndeshjen në stol dhe gazetarët e pyetën trajnerin Carlo Ancelotti pas ndeshjes se pse kroati nuk u ngroh as në ndeshjen kundër Las Palmas.
“Modric nuk u ngroh sepse…”, filloi Ancelotti, më pas heshti për disa sekonda. Më pas ai vazhdoi: “Kur nuk jam i sigurt se do të hyjë, nuk e dërgoj të ngrohet. E respektoj shumë për ta bërë këtë gjë. Gjithçka është në rregull, ai do të jetë gati për ndeshjen e ardhshme”.
⚪️🇭🇷 Why zero minutes and not even warm up for Luka Modrić today?
Ancelotti: “I don't want Modrić to warm-up if I'm not sure that he will play. I respect him too much to do that”. pic.twitter.com/LLWjEwu5I4
— Fabrizio Romano (@FabrizioRomano) January 27, 2024
Modriç nënshkroi një kontratë të re njëvjeçare me klubin madrilen në verën e vitit 2023.
Legjenda e mbretërve refuzoi ofertat e pasura saudite dhe mbeti në skuadrën e Ancelottit, por eksperti italian nuk e sheh më atë si lojtar të ekipit të parë.
Kroati ka 24 paraqitje, një gol dhe gjashtë asistime këtë sezon, por ai shpesh vjen nga bankina për shkak se pozicionet në formacionin titullar ishin zënë nga yjet e ardhshëm si Jude Bellingham, Eduardo Camavinga, Federico Valverde dhe Tchouameni.
Përveç kësaj, edhe Toni Kroos dhe Dani Ceballos janë ende në klub. /Telegrafi/