Real Madrid planifikon të marrë me qira një automjet për lëvizje në Kataluni, në mënyrë që të mos provokojë banorët vendas.
Në ndeshjen e xhiros së dhjetë të La Ligës, madrilenët do të jenë mysafirë të skuadrës katalunase të Gironas.
Menaxhmenti i klubit ka vendosur që mos të udhëtojë në rajonin autonom me autobusin e klubit, raporton El Mundo.
“Los Blancos” janë shumë të vetëdijshëm për gjendjen aktuale politike, prandaj do të përpiqen të mos provokojnë sërish përmes simboleve që përmban autobusi.
Raportohet se për të udhëtuar deri tek stadiumi i Gironas, ‘mbretërit’ do të udhëtojnë me një autobus ose me vetura të huazuara.
Theksojmë se ndeshja mes klubit katalunas dhe spanjoll do të zhvillohet më 29 tetor.
Më herët është raportuar se Real Madridi nuk do të paguajë 250 milionë euro për Harry Kanen. /Telegrafi/