Një ngjarje e rëndë ka ndodhur ditën e djeshme në Itali ku një shqiptar në tentative për tu larguar nga policia e cila ishte në ndjekje të tij, ka përfunduar i lënduar në gjendje kome pasi policia ka qëlluar mbi të.
Burime zyrtare nga policia bëjnë me dije se ngjarja ka ndodhur mbrëmjen e djeshme në Monte San Giusto, Macerata, në Itali, teksa 30-vjeçari shqiptar është përpjekur t’i largohet dy policëve, pasi drejtojte një mjet të vjedhur.
Ende nuk është identifikuar, i riu shqiptar, të cilit sipas policisë italiane i është gjetur një certifikatë shqiptare, por asnjë dokument tjetër.
Duke qenë se nga goditja me plumb në kokë i riu është shpërfytyruar, bëhet i vështirë edhe krahasimi i tij me fotografinë në certifikatën e gjetur.
30-vjeçar tashmë ndodhet në spital, por sipas burimeve mjekësore nga spitali i Maceratas, ai është klinikisht i vdekur, dhe për këtë shkak nuk ka qenë e mundur që të ndërhyhet qofte edhe për të nxjerrë plumbin./albeu.com/