Shoferi i veturës së tipit “Golf 5” në Vlorë ka humbur kontrollin dhe është përplasur në një dyqan të luleve.
Aksidenti u regjistrua pasditen e djeshme, dhe fatmirësisht nuk pati të lënduar.
Pamjet janë kapur nga kamerat e sigurisë të biznesit përballë nga të cilat duket qartë se mjeti nga shpejtësia e tepërt nuk ka mundur të frenojë në kohë.
Në momentin kur ka dashur të marrë kthesën makina ka rrëshqitur duke përfunduar në biznesin aty pranë.
Ngjarja ka ndodhur në bulevardin “Ismail Qemali”. Drejtuesi i mjetit dhe shoqëruesi i tij janë larguar nga vendi i ngjarjes.
“Pashë makinën e futur në dyqan, erdhi ambulanca dhe policia. Ambulanca iku përsëri poshtë sepse nuk kishte njeri në makinë. Ishin dy persona dhe ikën me vrap. Ndodhi aksidenti, dolën nga makina dhe ikën me vrap,” tha një dëshmitare që pa aksidentin./OraNews/
