Një aeroplan i pasagjerëve u detyrua të bënte një ulje emergjente pasi rrota e përparme nuk arriti të aktivizohej duke shkaktuar që avioni të rrëshqiste përgjatë pistës.
Sipas mediave të huaja, përcjell Telegrafi, ulja u bë pa rrotat e para të tij, pasi kishte probleme teknike me pjesën e përparme të aeroplanit.
Aeroplani i Arabian Airlines, i cili mbante 141 pasagjerë dhe 10 anëtarë të ekuipazhit në bord, ishte sjellur përreth pistës për një kohë të gjatë, pasi kishte pësuar një mosfunksionim në sistemin hidraulik.
Bëhet e ditur se aeroplani që ishte duke udhëtuar nga Medina në Dhaka të hënën, është detyruar të devijonte në Aeroportin Ndërkombëtar të Mbretit Abdulaziz në Jeddah përpara se të bënte ulje të frikshme.
Videoja tronditëse tregon lëvizjen e aeroplanit me “hundën” e tij në pistë dhe flakë që dalin – ngjarje e ndodhur rreth orës 10:30 të orës lokale.
Zëdhënësi i Agjencisë Saudite Arabe, Abdurahman Al-Tayyib tha: “Piloti bëri disa përpjekje por nuk arriti të korrigjojë mosfunksionimin me pajisjen e përparme të uljes. Më pas, Airbus 330 bëri një ulje emergjente me ‘hundë’”. /Telegrafi/