Drita ka arritur fitore të madhe në udhëtim tek Arbëria me golin e vetëm në këtë ndeshje që e shënoi mesfushori, Bujar Shabani, në minutat e fundit të pjesës së parë.
Pas ndeshjes ka folur trajneri i Dritës, Ardian Nuhiu, i cili tha se këto tre pikë janë shumë të rëndësishme për vazhdimësinë e kampionatit.
“Një tre pikësh shumë i rëndësishëm në këtë moment për vazhdimësinë e kampionatit. Një ndeshje e luftuar, po shohim një Arbëri (kockë e fortë), çdo ndeshje duhet të luftohet”.
“Ishte e vështirë të qarkullonim topin dhe të lëviznim topin, krijuam disa raste dhe më vjen keq që nuk e mbyllem ndeshjen më herët”.
“Drita gjithmonë kërkon më tepër, duhet të vazhdohet në këtë mënyrë. Po shohim një kampionat shumë të fortë me dhjetë ekipe, nuk ka ndeshje të lehta, duhet të luftohet qoftë edhe me ekipet që janë poshtë tabelës”, ka thënë Nuhiu për ‘Art Sport’.
Dritës tashmë renditet në vendin e dytë me 16 pikë të tubuara. /Telegrafi/