Trajneri i Dritës, Ardian Nuhiu ka komentuar humbjen 2-0 ndaj Prishtinës në kuadër të javës së 21-të në Superligën e Kosovës.
Kampioni në fuqi u mposht nga bardhekaltrit në stadiumin “Fadil Vokrri” duke e lënë kështu Ballkanin si lider të vetëm.
Nuhiu ka thënë pas ndeshjes se në paraqitje, të dyja skuadrat ishin të barabarta, por Prishtina ia doli të shënonte dy gola.
“Personalisht mendoj se kemi bo një ndeshje të mirë deri sa ishim me forca të njëjta. Ishim më të lartë se kundërshtarët”, ka thënë ai pas ndeshjes për Art Sport.
“Ishte mungesë përqëndrimi që na kushtoi. Nëse me Trepçën ’89 kemi qenë keq, sot kemi qenë mirë”.
“Edhe me 10 futbollistë patëm mundësi për të barazuar rezultatin, thjeshtë na mungoi fati për të marrë një rezultat pozitiv”, përfundoi Nuhiu.
Pas kësaj disfatë, Drita mbetet në vendin e dytë në tabelë me 44 pikë, por tani ka vetëm 2 më tepër se Prishtina. /Telegrafi/